EU ကော်မရှင်နာ Valdis Dombrovskis က ပိတ်ဆို့မှုအသစ်တွေကို ပြင်ဆင်နေတယ်လို့ ပြောကြားခဲ့ပါတယ်။
အမေရိကန်က ပိတ်ဆို့မှုတွေ ဖြေလျှော့လိုက်ရင်တောင် EU က ရုရှားအပေါ် ပိတ်ဆို့မှုတွေ လျှော့ချဖို့ စီစဉ်ထားတာ မရှိဘူးလို့လည်း EU ကော်မရှင်နာ Valdis Dombrovskis က ပြောကြားခဲ့ပါတယ်။ နောက်ထပ် ပိတ်ဆို့မှု အစီအမံတွေကိုလည်း ပြင်ဆင်နေပါတယ်။
ယူကရိန်းပေါ် ရုရှားစစ်ရေး လုပ်ဆောင်မှု စတင်တဲ့ သုံးနှစ်ပြည့် အထိမ်းအမှတ်အဖြစ် ဖေဖော်ဝါရီ ၂၄ ရက်နေ့မှာ ရုရှားအပေါ် ပိတ်ဆို့မှု အဆင့် ၁၆ ခုမြောက်ကို EU က တင်ပြထားပါတယ်။ အမေရိကန်နဲ့အတူ EU က ၂၀၂၂ ခုနှစ်ကတည်းက ရုရှားကို ခွဲထားဖို့ ရုရှားအပေါ် ပိတ်ဆို့မှု အဆင့်များစွာ ချမှတ်ခဲ့ပြီး အနောက်နိုင်ငံ ဘဏ္ဍာရေးစနစ်ကနေ ဖြတ်တောက်ပြီး နိုင်ငံခြား ငွေကြေး လက်ကျန်တွေကို လည်း သိမ်းဆည်းခဲ့ပါတယ်။
အမေရိကန်က ယူကရိန်းမှာ တိုက်ပွဲရပ်တန့်ရေးအတွက် လဲလှယ်ပေးမယ်ဆိုရင် EU က ရုရှားအပေါ် ပိတ်ဆို့မှုတွေ လျှော့ချမှာလား ဆိုတဲ့ မေးခွန်းကို Dombrovskis က ဘရပ်ဆဲလ်က လွတ်လပ်တဲ့ ပိတ်ဆို့မှု လုပ်ငန်းစဉ်ကို လုပ်ဆောင်သွားမယ်လို့ ဖြေကြားခဲ့ပါတယ်။
“လက်ရှိ Trump အစိုးရရဲ့ လှုပ်ရှားမှုတွေကြောင့် EU ဟာ EU ရဲ့ လုံခြုံရေးနဲ့ ပတ်သက်တဲ့ ကိစ္စရပ်တွေကို ကိုယ်တိုင် ကိုင်တွယ်ဖြေရှင်းရမယ် ဆိုတာ သိသာပါတယ်။ ပိတ်ဆို့မှု မူဝါဒနဲ့ ပတ်သက်ပြီးလည်း အလုပ်တွေ ဆက်လုပ်နေပါတယ်။ အဆင့် ၁၆ ခုမြောက်ကို ပြင်ဆင်နေပါတယ်” လို့ ကော်မရှင်နာက ပြောကြားခဲ့ပါတယ်။
ပြီးခဲ့တဲ့ လက EU က ရုရှားအပေါ် ပိတ်ဆို့မှုတွေကို ဇူလိုင်လကုန်အထိ တိုးမြှင့်ခဲ့ပါတယ်။ ပိတ်ဆို့မှုတွေက ကဏ္ဍအမျိုးမျိုးကို ပစ်မှတ်ထားပြီး ကုန်သွယ်ရေး ပိတ်ဆို့မှု၊ ခရီးသွား ပိတ်ဆို့မှုနဲ့ ရုရှား စီးပွားရေး လုပ်ငန်းရှင်တွေနဲ့ အရပ်ဘက် အရာရှိတွေအပေါ် တစ်ဦးချင်း ပိတ်ဆို့မှုတွေ ပါဝင်ပါတယ်။
ပြင်သစ် နိုင်ငံခြားရေးဝန်ကြီး Jean-Noel Barrot က အင်္ဂါနေ့က Franceinfo နဲ့ တွေ့ဆုံမေးမြန်းမှုမှာ EU ရဲ့ နောက်ထပ် ပိတ်ဆို့မှုတွေက ရုရှားရဲ့ စွမ်းအင် ကဏ္ဍကို အဓိက ပစ်မှတ်ထားမယ်လို့ ပြောကြားခဲ့ပါတယ်။
Barrot က ပိတ်ဆို့မှု အသစ်တွေက “[ရုရှားသမ္မတ] Vladimir Putin ကို ညှိနှိုင်း စားပွဲမှာ ထိုင်ဖို့ ဖိအားပေးမယ်” လို့ ဆိုပြီး EU က မော်စကိုအတွက် “စစ်ပွဲရဲ့ ကုန်ကျစရိတ်ကို တိုးမြှင့်သွားမယ်” လို့လည်း ထပ်ပြောကြားခဲ့ပါတယ်။ ပိတ်ဆို့မှုတွေကို ကျော်လွှားဖို့ ကူညီတဲ့ နိုင်ငံတွေကိုလည်း ပစ်မှတ်ထားမယ်လို့ ပြောကြားခဲ့ပါတယ်။
လွန်ခဲ့တဲ့ နှစ်အစောပိုင်းက ဟန်ဂေရီ ဝန်ကြီးချုပ် Viktor Orban က EU ရဲ့ မူဝါဒတွေကို အမေရိကန် အစိုးရသစ်နဲ့ ညှိနိုင်းဖို့ ရုရှားအပေါ် ပိတ်ဆို့မှုတွေ ဖြေလျှော့ဖို့ တိုက်တွန်းခဲ့ပါတယ်။ ဘူဒါပက်စ်က ယူကရိန်း ပြဿနာနဲ့ ပတ်သက်ပြီး ဘရပ်ဆဲလ်ရဲ့ ချဉ်းကပ်မှုကို တိုက်ပွဲတွေကို အဆုံးသတ်နိုင်မှာ မဟုတ်ဘဲ EU အဖွဲ့ဝင်နိုင်ငံတွေကို ထိခိုက်စေတယ်လို့ ကြာရှည် ပြစ်တင်ခဲ့ပါတယ်။
ပြီးခဲ့တဲ့ တပတ်က Orban က ယူကရိန်း ပြဿနာ အဆုံးသတ်သွားရင် ရုရှားဟာ “ကမ္ဘာ့ စီးပွားရေးစနစ်နဲ့ ဥရောပ စွမ်းအင်စနစ်ထဲကို ပြန်လည် ပေါင်းစည်းသွားမယ်” လို့ ခန့်မှန်းခဲ့ပါတယ်။
မော်စကိုက အနောက်နိုင်ငံတွေရဲ့ ပိတ်ဆို့မှုတွေကို တရားမဝင်ဘူးလို့ ပြစ်တင်ရှုတ်ချခဲ့ပြီး ရုရှားရဲ့ စီးပွားရေးကို တည်ငြိမ်မှု မရှိအောင် လုပ်နိုင်ခဲ့တာ မဟုတ်ဘူး၊ ကမ္ဘာ့ ဘဏ္ဍာရေးစနစ်ကနေ ခွဲထားနိုင်ခြင်း မရှိဘူးလို့ ဆက်တိုက် ငြင်းခုံခဲ့ပါတယ်။